ធ្វើល្អព្រោះខ្លួនជាមនុស្សល្អ

មនុស្សទូទៅ តែងប្រកាន់គំនិតថា បើគេធ្វើល្អដាក់ខ្លួន, ខ្លួនធ្វើល្អដាក់គេវិញ។ បើគេធ្វើអាក្រក់ដាក់ខ្លួន, ខ្លួនត្រូវតែធ្វើអាក្រក់ដាក់គេវិញ ដើម្បីរួចគ្នា។

ការពិត គឺមិនមែនចាំបាច់ ត្រូវតែដូច្នោះឡើយ។ មនុស្សយើងភាគច្រើន ដែលសុទ្ធតែជឿលើកម្មផល គួរតែដឹងថា អ្វីដែលសាងចេញទៅ គឺរមែងត្រឡប់មករកខ្លួនវិញ តាមផ្លូវណាមួយ ដែលភាគច្រើន ខ្លួនមិនដែលចាប់ភ្លឹក ឬមិនដឹងទាល់តែសោះ។ ដរាបណា យើងប្រកាន់គំនិតបែបនេះ (អាក្រក់ទៅ អាក្រក់មក), ការស្អប់ខ្ពើម និងការគុំគួន នឹងនៅតែមានទៅ មានមក, បន្តកកើនឡើង មិនចេះចប់។

បើមិត្តគិតថា ខ្លួនជាមនុស្ស ដែលមានការទទួលខុសត្រូវខ្ពស់ មិត្តអាចបញ្ចប់វាបាន នៅត្រឹមខ្លួនមិត្ត។ ដូច្នេះហើយ ការដែលយើង គួរតែប្រព្រឹត្តិល្អដាក់មនុស្សគ្រប់គ្នា… គឺមិនមែនដោយសារតែគេ ធ្វើល្អចំពោះមិត្តមុនទេ… មិនមែនដោយសារមិត្ត ខ្លាចគេរករឿងខ្លួនទេ… មិនមែនដោយសារមិត្ត ជាមនុស្សអន់ខ្សោយទេ… មិនមែនដោយសារមិត្ត ចង់លន់តួ យកចិត្តគេទេ… ប៉ុន្តែគឺដោយសារ មិត្តជាមនុស្សល្អ, ទន់ភ្លន់, សុភាពរាបសារ មានចិត្តសន្តោស។
-បុត្រាខ្មែរ

Life is a math equation. In order to gain the most, you have to know how to convert the negatives into positives.

បើព្រះមានតែមួយអង្គ

ដោយៈ អ្នកស្រីកែវច័ន្ទបូរណ៍

ពេលជួបអាសន្នមានទុក្ខព្រួយ
គ្រប់គ្នាបោះពួយថ្វាយចេកដូង
អុជធូបបន់ស្រន់បួងសង្រូង
ទួញហៅព្រះអង្គយាងមកប្រោស។

បើព្រះមានតែមួយព្រះអង្គ
តើលោកត្រូវផ្ចង់យាងសណ្តោស
មួយណាមុនទៅអោយរួចទោស
ផុតអាសន្នគ្រោះរស់សុខសាន្ត?

មនុស្សមានទុក្ខគ្រប់នគរ
លង់សោកលង់មោហ៍ច្រើនបរិមាណ
ពឹងតែព្រះម៉្យាងច្បាស់ខកខាន
ព្រះតែមួយប្រាណប្រោសមិនទាន់។

ច្នេះទើបព្រះអង្គផ្តល់ដីការ
ជនគ្រប់អាត្មារៀនរួសរាន់
ខ្លួនទីពឹងខ្លួនកុំអោយភ័ន្ត
ព្រះយាងមិនទាន់ក៏មិនស្លុត។

តម្រាអាត្មាយោងខ្លួនឯង
ជាក់ស្តែងប្រយោជន៍ល្អមរកត
មានទុក្ខដោះស្រាយដោយម៉ដ្ឋចត់
ជួបសុខប្រាកដមិនចាំព្រះជួយ។

សន្យាធ្វើល្អ

អាថ៌កំបាំង ឆ្ពោះទៅកាន់ពិភពមួយ ដែលមានសន្តិភាពពិតប្រាកដ គឺស្ថិតនៅក្នុងខ្លួន,
យើងអាចធ្វើបានដូច្នេះ ប្រសិនបើយើង ចាប់ផ្តើមពីឥឡូវ ហើយបន្តយ៉ាងខ្ជាប់ខ្ជួន។

ឥឡូវនេះ ចូរយើងសន្យា ប្រព្រឹត្តិតែសេចក្តីល្អ ជារៀងរាល់ថ្ងៃ,
ប្រព្រឹត្តិដោយក្តីទន់ភ្លន់, ដោយចិត្តសប្បុរស, ដោយការយកចិត្តទុកដាក់, ដោយក្តីស្រលាញ់ពិតប្រាកដ ដែលហូរចេញពីហឫទ័យ។

ចូរយើងញញឹម និងសើច ឲ្យបានច្រើនជានិច្ច,
រៀន និង បង្រៀននូវសេចកក្តីល្អ តៗគ្នា, សំខាន់បំផុត ភាពអត់ធ្មត់ ត្រូវមានកុំភ្លេច។

ចែករំលែក, រួមជាផ្នែកនៃក្រុម, ហើយប្រកាន់ភាពឥតលំអៀង,
ធ្វើខ្លួនជាតន្ត្រី ដោយការស្តាប់, ការលេង និង ការច្រៀង។

ចូរចងចាំ អំពីគោលដៅកំពូល នៃសាមគ្គីពិត,
នោះពិភពលោកទាំងមូល នឹងរស់នៅ ដូចគ្នាតែមួយ ហើយរីករាយនឹងជីវិត។

ចូរយើងនាំគ្នាកែប្រែ ដើម្បីជីវិតបវរ
ដោយចាប់ផ្តើម ជម្រុះចោលគំនិតអវិជ្ជមាន ហើយរើសយកដាក់ខ្លួន តែគំនិតល្អៗ។

សូមមេត្តារក្សាទស្សនៈ រិះគន់របស់អ្នក ទុកសម្រាប់ខ្លួនឯងចុះ

ចំពោះអ្នកផងទាំងពួង ដែលគេសន្មត់ថាគេស្គាល់អ្នកច្បាស់ នោះ អ្នកគួរនិយាយទៅកាន់ពួកគេថា សូមមេត្តារក្សាទស្សនៈ រិះគន់របស់អ្នក ទុកសម្រាប់ខ្លួនឯងចុះ។ សព្វថ្ងៃនេះ ខ្ញុំដើរនៅ លើផ្លូវ ដែលខ្ញុំជ្រើសរើស.. សម្រាប់ខ្ញុំជាខ្ញុំ… ហើយខ្ញុំជ្រើស រើសមិនវាយតម្លៃអ្នកណាទាំងអស់។
-ប.ខ

កុំប្រៀបប្រដូច ជាមួយអ្នកដទៃ

យើងមិនអាចដឹងថា ជីវិតអ្នកដទៃយ៉ាងណានោះទេ, គឺបានត្រឹមតែ ធ្វើការវាយស្មាន ពីសំបកក្រៅប៉ុណ្ណោះ, ដូច្នេះ យើងមិនត្រូវ យកខ្លួនយើង ទៅប្រៀបប្រដូច ជាមួយអ្នកដទៃ ឬកម្មសិទ្ធ ដែលគេមាននោះឡើយ។ ចូរធ្វើជាតំណាងខ្លួនឯង គាំទ្រខ្លួនឯង, កំណត់គោលដៅខ្លួនឯង, រស់នៅតាម ឧត្តមគតិរបស់ខ្លួន, កំណត់អនាគត ខ្លួនឯង ហើយផ្តល់ការស្រលាញ់ ឲ្យអស់ពីបេះដូង។ យើងមិនអាច យកប៉ោម ទៅប្រៀបនឹងក្រូចទេ ដូច្នេះកាន់តែមិនអាច យកមនុស្សម្នាក់ ទៅប្រៀបធៀប នឹងម្នាក់ទៀត ពីព្រោះម្នាក់ៗ សុទ្ធតែមិនដូចគ្នា… មានចំណុចល្អ និងចំណុចមិនល្អរៀងៗខ្លួន – គឺគ្មានអ្នកណាល្អគ្រប់ដប់ ហើយក៏មិនប្រាកដថា អាក្រក់ ឬឥតប្រយោជន៍ ទាំងស្រុងនោះដែរ។ ខ្ញុំជឿថា បើចង់ប្រៀបប្រដូច ឬប្រកួតប្រជែង គឺគ្មានអ្វីល្អជាង ការប្រៀបប្រដូច ឬប្រកួតប្រជែង នឹងខ្លួនឯងនោះឡើយ។

The Words of Angel of Mercy

Spread love everywhere you go;
• First of all in your own house.
• Give love to your children,
• To your wife or husband, to a next neighbor…
• Let no one ever come to without leaving better or happier.
• Be the living expressions of God’s kindness, kindness in your face,
• Kindness in your eyes, kindness in your smile,
• Kindness in your warm greetings.”
— Mother Teresa, Angel of Mercy

 

Forgiving

Seven Logics

In life, one plus one is not always two, but here’s the seven logics I need to remind my self everyday.

1.     Make peace with your past so it doesn’t spoil your present.
2.     What others think of you is none of your business.
3.     Time heals almost everything. Give the time some times.
4.     No one is the reason of your happiness except you,  and you alone.
5.    Don’t compare your life with others. You have no idea what their journey is all about.
6.     Stop thinking too much. Its okay not to know all the answers.
7. Smile, you don’t own all the problems in the world.

Botrakhmer’s Motivation

ការប្តេជ្ញាចិត្ត

យើងអាចស្វែងរក ការបំផុសគំនិតពីមនុស្សដទៃ ប៉ុន្តែការប្តេជ្ញាចិត្ត គឺអាស្រ័យ លើខ្លួនយើងទាំងស្រុង។

 

Get BOGO bids on Zeekler to win laptops, electronics, cash and much more at up to 95% off. https://www.zeekler.com/securesignup.asp?username=botrakhmer